SAC makaihna tawh kibawl ding kiteelpi a nihveina leh a thumveina ah meepiak kholh theihna hun ah meekuang lui party khempeuh suakta takin kihel theih na ding party tuamtuamte in UEC tung ah ngetna nei uh hi.
UEC leh kiteepi ah kihel party tuamtuamte in January 5, 2026 in Naypyitaw ah kimuhkhopna nei uh hi. Tua mun ah party tuamtuam pan a kihel palaite in mee piakkholh theihna hun ah a kidem party khempeuh suakta tak kihel theih nadingin UEC tung ah ngetna nei uh hi.
“A khatveina mee kipiak lai-in meepiakholh theihna ah meetangte a ki-et ciang in UEC leh a dang party khat bek na kihel mawk hi. A dang party tuamtuamte in kihel khuan ngah lo ahih manin a kibawl lai ding a nihveina leh a thumveina ah hibang in ngetna a kinei hi” ci-in kimuhkhopna ah kihel palai khat i pulakna tungtawn in kithei khia hi.
Source: BBC Burmese
