Tun kha 3, 2026❖ THE TEDIM POST
Chin State, Falam khua manawhin Kalay-Taingen lampi tawnin a pai ahi SAC galkapte leh Chin minam thautawite Tun kha 3,2026 ni zingsang lamin kido uh hi. Tua kidona ah galkap mang (Bohmu) khat kihelin mi 30 kiim si a, 20 val in liamna ngah uh hi. Tua banah galvan tampi zong kiman hi.
“Taingen panin a hong kuan ahi SAC galkap pawl thumnate lakah Bohmu khat a kihel mi 30 kiim si a, 20 val in liamna ngah uh hi. Galvan zong tampi kiman hi,” ci-in galphual thu a tel khat in pulak khia hi.
Falam Township sunga om CNO/CNDF thugenkhuan a nei Salai Timmy in, “Zingsang lamin kikapna om hi. A kician in kithei nailo ahih hangin SAC galkap lam pan mi 30 kiim si cih thu kiza hi,” ci-in gen hi.
Falam khua lakkik nadingin SAC galkapte in a beisa 2025 kum, No kha pan kipanin Taingen-Falam leh Webula-Falam lampite tawnin galkap 800 pan 1000 bang kuan beh uh hi. Kha 3 sung kikapna ah SAC galkapte lam pan tampi si khin hi. Theinosih kha 20, 2026 ni-in Kalay-Taingen lampi tawnin galkap 300 bang SAC te’n behlap uh hi.
Source: Chin World Media
