THAI LEAGUE 1 TUUKPENG CLUB AH SUAN LAM MANG

Myanmar News

Published on: 2020-08-29 15:48:12

Trat – August 27

Zomi sungah i angtan pih mahmah Tuukpeng siam Tg. Suan Lam Mang leh Thailand gam Tuukpeng Club minthang khat ahi Trat FC in Muangkan United tung pan Kum 1 sung kawm ding in August 27, 2020 ni-in suaikaihna nei uh hi, cih thu kiza hi.

Covid-19 natna hang leh Thai League 3 Policy thakah Muangkan United in gamdang mi 3 bek lathei ahihna tawh kizui in Trat FC in akawm hi a, Kum 1 khitteh Muangkan United ah ciah kik ding ci hi. Trat FC pen Thailand gam a Tuukpeng Club minthang 10 ah zong akihel ahi hi.

Hih tawh kisai Tg Suan Lam Mang in “ Hih bangin Thailand gam Thai League 1 club minthang ah tuukpeng sui thei ding thupha hong pia Topa tung leh thu hong ngetsak Nu leh Pa, ka nung pan tha hong pia ka Zomi pihte tungah lungdam mahmah ing.” ci-in Tedim Post tungah gen hi.

Tg Suan Lam Mang pen a beisa 2019 Kum, November kha in Shan United pan Thailand, Muangkan United ah tung a, tulaitak a khasum Thai Baht 100,000 (MMK Tein 50 kiim) sang hi.

.....................................................

Photo : Trat FC.

Close[X]

© Copyright 2020 - The Tedim Post. Developed by Zawikawm | Privacy Policy